Aktualaĵoj

Donaceto por membroj de MEF dum la Zamenhofa Tago

Dum la pasinta “Tago de la libro en Esperanto”, Meksika Esperanto Federacio volis dorloti aktivajn membrojn, kiuj loĝas en diversaj provincoj de la lando kaj kiuj, plej eble pro malproksimeco, ne povis ĉeesti la Z-tagofeston okazinta en la ĉefurbo de Meksiko.

Tial nun estas plezurige por ni anonci ke la gajnintoj de la librolotumado estas la sekvaj homoj:

Carlos López G. el Tapachula, Chiapas

Neforgeseblajn jarfinajn festojn kaj prosperan 2018!!!

La jaro elĉerpiĝas, eblas flari la festeman etoson, estas tempo por danki bonaĵojn, kiujn ni havis ĉijare kaj por plani la estontan. Meksika Esperanto Federacio deziras ke vi havu feliĉajn, neforgeseblajn jarfinajn festojn kune kun familianoj kaj amikoj, ke paco estu ĉe vi kaj ke la venonta jaro estu prospera, plena je ĉio necesa: sano, amo, belaj spertoj, mono kaj ke vi realigu sukcese viajn planojn.

Multan, multan dankon pro via ĉijara kunlaboro kaj esperas denove havi ĝin en 2018, ne forgesu vian esperantan flankon, esperantumu kaj agadu kun ni por antaŭeniri Esperanton kaj plibonigi ĝian staton!!!

Esperplena etoso estis dum la Zamenhofa Tago*

En la pasinta 17a de decembro, ni okazigis la tradician “Zamenhofan Tago” en la Ĉefurbo de Meksiko. Partoprenis entute 42 homoj, la plej multo loĝas en la urbo mem aŭ en la metropola zono de la grandega ĉefurbo, tamen venis homoj el malproksime: Monterrey, San Luis Potosí, Querétaro kaj Cuernavaca.

La programon ni sekvis laŭplanite, post alveno, salutoj, brakumoj, babilado, trinkumado de kafo, ktp., la ĉeestintaj estraranoj bonvenigis la homojn, donis gravajn informojn pri la planoj estontaj de la asocio kaj invitis ilin kunlabori, aliĝi kaj al MEF kaj al Universala Esperanto Asocio por plifortigi la movadon.

Ni ekmalsatis, jam estis tempo por tagmanĝi, do ni ekkontentigis niajn stomakojn, la manĝo, kiel kutime, estis tre bongusta… fininte tion, ni pensis ke oni devas ankaŭ nutri la cerbon, ĉu ne? Tial ni invitis la homojn viziti la libroservon kaj akiri verkojn por havi ilin en persona biblioteko kaj por partopreni en la interŝanĝo de esperantaĵoj.

Partoprenu en lotumado senkoste!

Por instigi la helpadon kaj integradon en la nacia kaj internacia Esperanto-agadoj, Meksika Esperanto Federacio (MEF) lotumos verkojn inter tiuj, kiuj estas/os aktivaj membroj en 2018 kaj de Meksika Esperanto Federacio (MEF) kaj samtempe de Universala Esperanto Asocio (UEA). Tiaj homoj partoprenos senkoste en ĝi, la limdato por fari la enskribojn kaj partopreni en la afero estas en la 12a de aprilo 2018 ĉar ni okazigos la lotumadon en la 14a.

La informojn pri membrecoj al MEF vi trovos ĉe: http://www.esperanto-mexico.org/eo/membreco

Aliteme, vi povas fariĝi UEA-membro pagante vian kotizon al MEF. Ĉu vi volas provi kiel funkcias UEA? Do eblas aliĝi en la kategorio MG, la plej malmultekosta, por meksikanoj estas 5euroj, tamen, kiel membrojn de MEF ni petos de vi nur 100MXN. En tiu kategorio vi ricevos la “gvidlibron” papere kaj la revuon “Esperanto” elektronike.

Sukcese okazis ronda tablo pri Esperanto en Universitato de Sankt-Peterburgo*

Inter la 2a kaj 4a de oktobro 2017 okazis en la Ŝtata Universitato de Sankt-Peterburgo, SPBU sigle en la rusa, la 3a forumo “Rusio kaj Iberameriko en Tutmondiĝanta Mondo: historio kaj perspektivoj” en kiu partoprenis kelkaj centoj da homoj; registraraj gravuloj de Latinameriko kaj Rusio, profesoroj, akademianoj, universitataj studentoj, ktp. Inter la pluraj simpozioj de la programo estis la nomata “Esperanto, kiel ponto inter Latinameriko kaj Rusio”, kiun proponis al la organizantoj nia kara aktiva membro, meksika kunlaboranto el Puebla, Iván Deance.

Pasintaprile, post la akcepto de la simpozio, Deance kontaktis la estraron de Meksika Esperanto Federacio por esti peranto, peti internacian kunlaboron de esperanto-aktivuloj de diversaj landoj kaj sukcesigi la partoprenon, videbligi la internacian lingvon en akademia etoso. Tuj anoncis sin du kolegoj el Rusio; Dmitry Shevchenko kaj Anna Striganova, redaktoroj de la revuo Esperanto, kiuj forte kunlaboris en la serĉado de pliaj taŭgaj homoj por integri la teamon.

Paralela Universo en Tlalmanalco, Estado de México, 2017*

La pasintan 19an de aŭgusto, oni okazigis duafoje la eventon nomatan “Paralela Universo”, kiu sukcesis renkontigi pli ol 300 homojn ne nur en Ameriko sed ankaŭ en kelkaj lokoj el Eŭropo kaj Afriko.

Paralela Universo celas ke esperantoparolantoj profitu la okazon renkontiĝi en proksima loko al siaj loĝejoj por praktiki la lingvon kaj fortigi siajn esperanto-grupojn kaj/aŭ klubojn; ĉio tio sen la postulo vojaĝi dum multaj horoj, kontraŭe al tio, kio okazas kiam la renkontiĝoj estas naciaj aŭ internaciaj.

Flanke de Meksiko, estis du samtempaj eventoj, kiujn partoprenis entute 20 personoj: en Monterrey, en la ŝtato Nuevo León kaj en Tlalmanalco, Meksikŝtato. Por ĉi tiu lasta, la esperanto-grupo de la ĉefurbo kunvokis al

Esperanto por hispanparolantoj troviĝas en la 3a fazo*

Estas plezuro publikigi, ke administrantoj de Duolingo informis la kunlaborantojn de la kurso de Esperanto por hispanparolantoj, ke ekde hodiaŭ, 12an de junio, la kurso ne plu estas en beta fazo sed ĝi apartenas al la “familio” de lingvoj, kiuj troviĝas en la fazo 3, kiel ekzemple angla, franca aŭ itala por hispanlingvanoj, tio signifas kursoj kiuj estas stabiliaj.

De la publikigo de la kurso ĝis nun pasis iom pli ol sep monatoj, tempo dum kiu “esperanto para hablantes de español”  iĝis stabila kun ne tiom da raportoj kaj kun sufiĉe da gelernantoj, nun iom pli ol 140mil.

Tian rezulton ni devas festi kune! kiel? Disvastigante la informojn, invitante konatulojn, amikojn, familianojn provi lerni internacian lingvon en relative malmulte da tempo kaj uzata ĉirkaŭ la mondo.

Kompreneble, oni povas rekomendi nur tion, kion oni konas… ĉu vi jam estas parto de esperanto por hispanlingvanoj? Se ne, iru tien kaj komencu la kurson tuj!: https://www.duolingo.com/course/eo/es/aprende-esperanto-en-línea

Duolingo havas nun pli ol milionon da Esperanto-lernantoj*

Ekde du jaroj Esperanto estas inter la lerneblaj lingvoj de la fama retejo nomata DUOLINGO. En 2015 aperis la versio esperanto por parolantoj de la angla, en 2016 por hispanparolantoj kaj ĉijare komenciĝis la laboro de la kurso Esperanto por portugallingvanoj.

Danke al la konstanta laboro de kontribuantoj de la publikigitaj kursoj kaj, kompreneble, al la intereso de la homoj, ni ĵus superis milionon da Esperanto-lernantoj, tio ege ĝojigas nin ĉar se la afero tiele daŭras, certe oni povos inkludi pliajn lingvojn kiel nun la portugalan, kiuj lingvoj sekvos?

Verkis: Mallely Martínez.

Integriĝu al Amikumu, la aplikaĵo jam estas disponebla!*

La pasintan 22an de aprilo lanĉiĝis la aplikaĵo nomata “Amikumu”, kiu helpos vin trovi proksimajn Esperanto-parolantojn.

Do, integriĝu al la teknologio, uzu ĝin por (re)trovi novajn kaj konatajn parolantojn de la internacia lingvo, eble iu estas tuj apud vi kaj vi ne sciis pri tio.

Atentu ke:

Esperanto kaj pentrarto en San Luis Potosí*

La pasintan ĵaŭdon, la 16an de marto en Club Intercultural de Lenguas y Arte en la urbo San Luis Potosí, okazis pentrarto-ateliero kadre de la 2a interkultura renkontiĝo de esperanto “Meksikaj vizaĝoj de la pasinteco”. Kaj la atelieron kaj la renkontiĝon partoprenis pli ol dek homoj, kiuj havis la okazon libere kaj lude sinesprimi per kreado de portretoj de meksikaj personoj.

Por memorfesti la Internacian Tagon por Virinoj, oni elektis inajn verkistojn, aktivulojn, artistojn kaj sciencistojn pri kies vivoj la ĉeestantoj lernis kelkajn detalojn. Antaŭ kolektive ekkrei la portretojn, la ĉeestantoj ankaŭ lernis kiel rekoni kaj prezenti ĉi tiujn informojn en esperanto kun la celo lerni iom pri la lingvo praktikante ĝin en reala situacio.

El Esperanto en México 1903-1985 de Geovani Ruiz Monroy

Ni havas la honoron inviti vin al profesia ekzameno, kiun faros Geovani Ruiz Monroy por havi universitatan diplomon pri Historio kadre de la Universidad de Guadalajara. Ruiz pezentos sian universitatan tezon, kies temo estas: “El esperanto en México 1903-1985”, certe grava verko por la esperanta, meksika movado.

La okazaĵo estos en la venonta lundo, la 6an de marto je la 10ahr. en la “sala de juntas” de la  departemento pri Historio de la Centro Universitario de Ciencias Sociales y Humanidades (CUCSH), kiu troviĝas ĉe:

Strato Guanajuato 1045

Col. Alcalde Barranquitas

Guadalajara, Jal.

44260

Gratulon kaj bonajn aŭgurojn por via profesia vivo Geovani!

Veterana, meksika esperantisto Mario Pimentel Silva forpasis*

Mario Pimentel Silva naskiĝis en la 25a de februaro 1936 en Minatitlán, Veracruz tamen li loĝis ĝis la adolesko en la urbo Orizaba samprovince, poste li translokiĝis al la ĉefurbo de la lando, kie li komencis studi kemion, tamen li forlasis ĝin ĉar li malkovris lian preferon por la psikologio, tial li studis ĝin, ĝis la grado de magistro, en la Universitato Nacia Aŭtonoma de Meksiko (UNAM).

Li laboris private en klinika psikologio, en UNAM kiel alvokiĝa orientisto, krome li instruis sian fakon dum pli ol 25 jaroj en la “Escuela Nacional Preparatoria” apartenata al la sama universitato.

Inteligenta, nekvietigebla, klera homo, kun oftaj deziroj kompreni kaj profundigi je ĉiu ajn temo, Pimentel tre interesiĝis pri lingvoj kaj scienc-fikciaj legaĵoj. Inter liaj plej ŝatataj hobioj estis: danci, legi, skribi mallongajn rakontojn kaj poemojn.

Interreta Voĉdonado por 10 filmetoj plej ŝatataj: Konkurso 2017 Teo kaj amo*

Tempo: inter la 21a de februaro kaj la 10a de aprilo 2017. 
Ĉu vi memoras nian alvokon al konkurso “Teo kaj Amo”? En la sekva ligo vi povas relegi ĝin: http://www.esperanto-mexico.org/eo/internacia-mikrofilm-konkurso-teo-kaj...

Nun do venas la momento por partopreni kun ni en la interreta voĉdonado!
Por la premio de publiko, bv. iri al la sekva retpaĝo kaj voĉdoni el la subaj filmetoj http://esperanto.cri.cn/teokajamo2016e/filme.htm . Vi rajtas ĉiutage voĉdoni 10 plej ŝatatajn laŭ vi en aparta kontinento kaj rajtas voĉdoni saman filmeton unufoje ĉiutage. Iuj filmoj estas pezaj, tial necesas iom da tempo, bv. pacience atendi.
Premiitoj ricevos atestilon kaj premi-donacon, kaj iliaj filmetoj havos ŝancon esti prezentataj en 102a UK en Seulo, Sud-Koreio, kaj en internaciaj okazoj

Estu parto de la mapo “Esperanto-parolantoj en Meksiko”!*

Certe vi iam jam pensis: Kiu(j) parolas Esperanton proksime de mia loĝloko? Tiu estas farita demando de ĉiu kaj ni estas survoje al solvo, ĉefe se vi partoprenas kun ni! La konstruata mapo por la meksika Respubliko troviĝas ĉe: bit.ly/MeksikiaMapo

Eniru kaj plenigu la formularon! ( bit.ly/MeksikiaEnketoPorMapo ), preskaŭ ĉiuj estas opciaj demandoj kaj ni nur publikigas datumojn, kiujn vi decidas.

Ni lasu neniun provincon malplena!

Logosigno de Unesko por Zamenhof-Jaro 2017

En la 38a konferenco de UNESKO okazinta novembre 2015, oni decidis ke sub ĝia aŭspicio, oni solenu la 100an datrevenon de la morto  de L. Zamenhof, kreinto de la internacia lingvo Esperanto.

Do ni ĝojas prezenti al vi la logosignon, esperante, de tiu grava datreveno. Kaze ke kluboj au individuaj aktivuloj shatus okazigi ion ligita al tiu solenado oni povas utiligi la logoon.

Dankon pro la eventuala kunlaboro kaj disvastigo de la afero!

Paĝoj

Subscribe to Aktualaĵoj