Renkontiĝoj - Internaciaj

IJK komenciĝos la 11an de julio, ĉu vi jam aliĝis?

La Internacia Junulara Kongreso, kies ĉefa temo estas “Tutmonda solidareco”, okazos ĉifoje rete kaj ĝi komenciĝos tre baldaŭ, la 11an de julio, tio estas nur POST DU SEMAJNOJ.

Ĉu vi jam aliĝis? La baza kotizo estas 20 eŭroj, ekzistas tamen subtena kotizo (50 eŭroj) por tiuj, kiuj volas kaj povas pli pagi.

Kiel kutime, vi povas pagi vian partoprenon pere de ni. Se vi volas ke ni peru vian pagon, volante ni faros. Skribu al estraro@esperanto-mexico.org por informi al ni pri tio.

Kaj memoru ke ĝi estas ankaŭ por pli aĝaj homoj, do ĉiuj rajtas partopreni!

Iru al la retpaĝo de IJK2020 por havi pliajn detalajn informojn kaj plenigi aliĝilon: https://ijk2020.tejo.org/

Venonta virtuala renkontiĝo kunlabore kun francaj kolegoj, 14an de junio

Daŭrigante la internacian kunlaboradon, ni havas la plezuron informi vin ke ĉifoje meksikaj kaj francaj esperantoaktivuloj gvidos venontan virtualan renkontiĝon.

Kiam? Dimanĉe, la 14an de junio, je la 12a30 laŭ meksikcentra horo, tio estas je la 17a30 laŭ la universala tempo (UTC), je la 19a30h. en la centro de Eŭropo.

Kie? En Zoom:  https://us04web.zoom.us/j/79443065576?pwd=Umg5dUh1M0NzTEZHMVJVbG51UXhEZz09, uzantnomo: 794 4306 5576, pasvorto: 7j9AAH

Kion ni faros? Ni parolos pri la temo: “La mondo post COVID-19”, Kiel ni devas ŝanĝi niajn kutimojn aŭ ĉu io devas ŝanĝiĝi?

Kiuj? Ĉiuj rajtas partopreni, eĉ se vi volas nur aŭskulti, vi estos tre bonvenaj.

Ĝis do tre baldaŭ!

Ni ripetos la kunkantadon, 24an de majo 11ah.

Pasintan semajnon ni okazigis amuzan, retan renkontiĝon, ni kantis kune, ridis kaj pro tio ni volas ripeti la aferon en tute frateca, internacia, Esperanta etoso.

Dato kaj horo: Dimanĉe, la 24an de majo, je la 11a laŭ meksikcentra kaj kolombia horo, tio estas je la 16a laŭ la universala tempo (UTC), je la 18ah. en la centro de Eŭropo. La kunveno daŭros du horojn, do kiam ajn en tiu tempo vi povas veni por kunkanti.

- Sekvu la jenan ligon, kiu venigos vin al renkontiĝo en Zoom: https://zoom.us/j/93290350417

- Meeting ID: 932 9035 0417

Meksiko kaj Kolombio invitas!!!

 

Ni kunkantu, 17an de majo 11ah!

Jen nova eblo por renkontiĝi rete, ĉi foje la plano estas kanti kaj kune amuziĝi

La paro Meksiko-Kolombio denove kunlaboros por plifortigi rilatojn kaj, kompreneble, la esperantan movadon.

Dato kaj horo: Dimanĉe, la 17an de majo, je la 11a laŭ meksikcentra kaj kolombia horo, tio estas je la 16a laŭ la universala tempo (UTC), je la 18ah. en la centro de Eŭropo. La kunveno daŭros du horojn, do kiam ajn en tiu tempo vi povas veni por kunkanti.

Amika renkontiĝo: Meksiko kaj Kolombio*

Ni ĝoje anoncas ke nia baldaŭa kunveno iĝos pli granda, interesa kaj internacia. Ĉifoje  pro iniciato de E-aktivuloj de Meksiko Kolombio ni kune okazigos retan renkontiĝon, al kiu ni kore invitas vin, loĝanto de ajna parto de la mondo.

Ni renkontiĝos venontan dimanĉon, la 10an de majo je la 11a laŭ meksikcentra kaj kolombia horo, tio estas je la 16a laŭ la universala tempo (UTC), je la 18ah. en la centro de Eŭropo. La kunveno daŭros du horojn, la unuan gvidos la kolombianoj kaj la duan la meksikanoj, la temoj estos:

1) Restu hejme… Esperantistoj kaj kronviruso.

2) Vivu la patrino! Jes, la 10a de majo estas speciala tago en Meksiko.

Paŝoj kaj rekomendoj por ĉeesti:

Universala Kongreso de Esperanto 2020 en Montrealo, Kanado!*

Multaj personoj aliĝis al la UK-2020 en Montrealo, Kanado (de la 1-a ĝis la 8-a de aŭgusto 2020), la aliĝilo jam disponeblas. La prezo en tiu ĉi unua aliĝperiodo, (ĝis la 31-a de decembro 2019) por meksikanoj, individuaj membroj de UEA estas 145 eŭroj, la prezo altiĝos ĝis 180 eŭroj en la dua aliĝperiodo kaj ĝis 215 eŭroj en la tria aliĝperiodo.

La UK 2020 en Montrealo estas notinda el multaj vidpunktoj… urbo de pli ol unu miliono da loĝantoj (kvar milionoj en la tuta regiono) kaj unu el la plej malnovaj kaj vizitindaj urboj en Nord-Ameriko, estas perfekta loko por kongresumi: unu el la plej popularaj nord-amerikaj urboj por turismo (mondfamaj muzeoj, arkitekturo kaj vidindaĵoj), la ĉefe franclingva metropolo de Kebekio, ĝi ebligas facile elturniĝi france kaj angle (foje ankaŭ alilingve) kaj estas aparte konscia pri la aferoj rilataj al lingvaj rajtoj kaj lingva justeco.

Iru al NASK kaj certe vi plibonigos vian lingvan nivelon!

Alvenas la tempo por plibonigi vian Esperanton dum vi ege ĝuas ĝin! La Nordamerika Somera Kursaro (NASK), la plej grava kursaro en Ameriko, okazos ĉifoje en William Peace University, en Norda Karolino, Usono. Aliĝu al la listo de homoj, kiuj tre pozitive parolis pri ĉi tiu verda okazaĵo, uzante esperanton en la ĉiutageco, kaj renkontante novajn homojn aŭ jam sopiritajn amikojn!

La venonta NASK okazos de la 28-a de junio ĝis la 4-a de julio 2020. Aranĝu ĉion por ĉeesti ĉi tiun altkvalitan Esperanto-kurson, pri kiu la partoprenintoj tre kutime esprimas ke ili multe ŝatis ĝin kaj sukcese progresis. Ne gravas ĉu vi estas komencanto, progresanto aŭ altnivela Esperanto-parolanto, vi povos partopreni en la plej taŭga grupo! La instruistoj estas tre profesiaj, ĉi jare, ekzemple, Duncan Charters gvidos la altnivelan kurson.

Ĉu vi pretas? Eble vi povus profiti stipendian ŝancon. Vizitu la NASKan retpaĝon ĉe http://nask.esperanto-usa.org/venonta/ por koni kromjajn informojn!

* Verkis Víctor Sombra pere de informoj de la retejo de NASK.

 

La 75a IJK okazos en Slovakio: ĝuu, lernu, esperantumu tie!*

Ĉu vi serĉas mojosan kaj sekuran etoson por festi, agi kaj kunvivi kun junuloj el aliaj kulturoj ĉi-somere? Do la Internacia Junulara Kongreso interesos vin! IJK estas unusemajna evento, kiu kunigas junajn homojn – el ĉiuj aĝoj – el la tuta planedo por ĝui kuneston kaj interkomunikiĝon dum oni dancas, sportas, lernas, diskutas aŭ ludas uzante la lingvon Esperanton.

Ĉi-foje la 75an IJKn gastigos la centreŭropa urbo Liptovský Hrádok en Slovakio, de la 28a de julio ĝis la 4a de aŭgusto 2019. Al la kongreso jam aliĝis pli ol 130 homoj el preskaŭ ĉiu kontinento, fakto kio kune kun la ĉefa temo “Kontraŭ antaŭjuĝoj” promesas taŭgan spacon por sperti kulturan interŝanĝon neforgeseblan. Nur mankas vi!

Iru al Lahtio, Finnlando ĉisomere kie vi renkontos centojn da E-parolantoj!*

Ĉu vi povas imagi vin en loko kie eblas promeni inter la arbaro, spekti teatraĵon, naĝi en lago, ĝui koncertojn, partopreni piedpilkan matĉon kaj samtempe interagi en Esperanto? Do, imagu kaj agu! Estas ankoraŭ bona tempo por aliĝi al kaj partopreni la 104-an Universalan Kongreson de Esperanto okazonta ĉi-somere en nord-orienta Eŭropo de la 20-a ĝis la 27-a julio.

Lahtio, verda urbo en la sudo de Finnlando gastigos la plej grandan eventon de la jaro kunigante centojn da homoj el ĉiuj anguloj de la mondo interesiĝitaj pri senborda fratiĝo kaj justa komunikado.

Per la temo “Vivanta naturo, floranta kulturo” la organizantoj jam allogis al pli ol sepcent personojn el kvindek landoj kaj certe, la nombro kreskos!

Se vi deziras havi pliajn informojn, rigardi fotojn de la kongresa urbo kaj de la kongresejo, spekti filmetojn pretigitajn de la organizantoj aŭ simple havi novaĵojn pri la evento, vizitu la oficialan retpaĝon ĉe http://www.esperanto.fi/uk2019/

Nord-Amerika Somera Kursaro festos 50 jarojn, partoprenu ĝin somere!*

Ĉu vi serĉas novajn manierojn lerni kaj vivi Esperanton? Kial ne veni al NASK? Kelkajn tagojn vi matenmanĝos dum vi babilos en la internacia lingvo kun lernantoj el Ameriko kaj aliaj kontinentoj, aliajn tagojn vi ĝuos kartludojn kaj spektos filmon aŭ vi nur simple povos interagi en la parko kun homoj, kiuj interesiĝas pri la samaj aferoj kiel vi interesiĝas aŭ tute ne! Ĉio per Esperanto!

Venonta IJK okazos en Badajoz, Hispanio*

Tiun ĉi jaron la Internacia Junulara Kongreso (IJK), unu el la plej ŝatataj eventoj de esperantoparolantoj, okazos en Badajoz, Hispanio de la 4-a ĝis la 11-a de aŭgusto. La Tutmonda Esperantista Junulara Organizo, Hispana Esperantista Junulara Societo kaj Kataluna Esperanto-Junularo pretiĝas por ricevi centojn da homoj junaj, ĉu nur aĝe aŭ kore, celante ke la partoprenantoj travivu amuziĝon, amikiĝon, interkulturon, lernadon, ktp. en etoso, kiu ebligas interŝanĝojn de ideoj, kutimoj kaj gustoj. 

Genro kaj egaleco estos la ĉefa temo de la evento, tamen la programo estos tre riĉa kaj diversa, vi povos ĝui plurajn aktivecojn kiel prelegojn, atelierojn, ekskursojn, ludojn, kulturaĵojn, ktp.

Do, se vi deziras profiti la ŝancon ne nur interkonatiĝi kun homoj interesiĝataj pri pli justa interncia komunikado sed ankaŭ koni belegajn lokojn kiel la iberan duoninsulon, iru al Badajoz!

La unuan fojon Universala Kongreso estos akceptata en Portugalio*

La 103-a Universala Kongreso de Esperanto (UK) okazos ĉi-jare en la ĉefurbo de Portugalio, Lisbono, de la 28a de julio ĝis la 4a de aŭgusto. Kiel kongresejon la partoprenantoj okupos salonojn en la Rektorejo de la Universitato de Lisbono kaj de la Fakultato pri Juro. La kongresa temo: “Kulturoj, lingvoj, tutmondiĝo: kien nun?” certe memorigos nin pri la grava rolo de ĉi tiu lando en la malpligrandiĝo de distancoj kaj limoj en la mondo.

Parolante pri kulturoj certe la evento estos tre bunta, komence da la jaro kalkuliĝis je pli ol 1000 kongresanoj el 61 landoj; ege bona nombro kompare al lastatempaj UK-oj. Inter la partoprenantoj ĝis nun anoncitaj troviĝas, kiel la plej granda nombro, homoj el Francio sed ankaŭ venos el tiel diversaj lokoj kiel Irano, Kubo, Ĉinio, Slovakio, ktp. Kompreneble Meksiko ankaŭ partoprenos.

La 51a Kongreso de ILEI okazos julie en Madrido, ĝuu duoblan eventon!

Ĉu vi estonte planas instrui Esperanton aŭ eble vi jam faris – faras? Ĉu vi instruas aliajn lingvojn kaj ŝatus interŝanĝi spertojn kun diversaj lingvoinstruistoj? Aŭ ĉu vi estas E-aktivulo kaj ŝatus gvidi kurson? Do tiu ĉi evento estas grava por vi.

La 51a Kongreso de la Internacia Ligo de Esperantistaj Instruistoj (ILEI) okazos ĉisomere en la bela urbo, Madrid, Hispanio sed tiu evento estos ĉifoje ankoraŭ pli speciala ĉar samtempe oni havos la eblon partopreni en la hispana kongreso kaj tiel koni kaj ĝui ankaŭ la tiean movadon.

La ĝenerala temo estos: “La kultura heredaĵo de Esperanto”, kiel kutime la kongresanoj povos ĝui riĉan programon: prelegojn, atelierojn, ekspoziciojn, kursojn, instruistan trejnadon, distrajn kaj turismajn erojn, ktp.

La ILEI kongreso mem estos inter la 21a kaj 28a de julio, tamen vi povas alveni unu tagon antaŭe por ĉeesti ekde la komenciĝo de la hispana kongreso.

NASK 2018: Elstaraj instruistoj, kvar kursoj, kaj Kino-Teatro-Festo!*

La Nordamerika Kursaro de Esperanto (NASK), estos tre speciala ĉi-jare: estos kvar niveloj de instruado (inkluzive de la komencanta kurso, la unuan fojon en multaj jaroj), famaj instruistoj (Katalin Kováts, Anna Löwenstein, José Antonio Vergara kaj Thomas Alexander) kaj la speciala gastparolanto: la antaŭa prezidanto de UEA, Renato Corsetti, plus, samtempe kun NASK denove okazos KTF: Kino-Teatro-Festo. Jen nur kelkaj kialoj veni al NASK-2018 (3-12a de julio 2018, Raleigh, NC, Usono)!

NASK okazos en la universitato  William Peace (Raleigh, Usono), kaj, jen denove, ĝi kunigas la fortojn kun KTF (Kino-Teatro-Festo). Ĉi-jare anstataŭ la kutimaj tri kursoj (por post-komencantoj, progresantoj kaj progresintoj), NASK ofertos kvar kursojn, inkluzive de la komencanta kurso instruata de Thomas Alexander (Usono), por tiuj, kiuj ankoraŭ ne lernis la lingvon aŭ bezonas solidan bazan revizion de la lingvo. Katalin Kováts (Hungario/Nederlando), veterana NASK-instruisto, instruos kurson por progresantoj, kiuj ŝatus fokusiĝi pri la praktikado de Esperanto kaj poluro de siaj lingvokapabloj.

La 9a Tutamerika Kongreso de Esperanto okazos en Havano venontan februaron*

Se vi ĉeestis en 2010 unu el la internaciaj eventoj okazintaj en Kubo, ILEI Konferenco, UK, IJK, certe vi scias kial indas partopreni aranĝojn en tiu belega insulo kaj se vi ne havis tiam la eblon, nun vi havas novan ŝancon por ĝui Esperantujon en amikema, afabla, suneca etoso, kial? Ĉar la 9a Tutamerika Kongreso de Esperanto (TAKE) okazos inter la 11a kaj 18a de februaro 2018 en Havano, Kubo.

Per la ĉefa temo de la kongreso “Lingvoj kaj kulturoj: edukado por daŭripova evoluo en la Amerikoj”, la partoprenantoj havos la okazon konatiĝi kun nuntempaj problemoj kaj agadoj, kiuj rilatas al amerikanoj, tamen ankaŭ estos diversaj programeroj kiel kursoj, artaj, distraj kaj, kompreneble, tiuj, kiuj rilatas al la esperanta movado: AMO seminario estos inter la plej atendataj kaj utilaj eroj de la aranĝo por lerni kiel pli bone kontribui en la movado kaj disvastigi Esperanton.

Paĝoj

Subscribe to Renkontiĝoj - Internaciaj