Trejnseminario de TEJO kaj SEL maje 2011 en Varsovio*

Kadre de la SEL-Reaktivigo kampanjo, Skolta Esperanto-Ligo kune kun TEJO organizas trejnseminarion por junaj aktivuloj kun la ĉefa temo: Konstruante surbaze de diverseco – kiel ricevi la plej bonon el interorganiza junulara kunlaboro?

La seminario okazos en Varsovio, Pollando, inter la 24-a kaj 30-a de majo 2011. La programo enhavas interaktivajn laborsesiojn pri teknikoj kaj metodoj de moderna laboro de junaj asocioj, kaj pri efikaj manieroj organizi junularon uzante la temon de diverseco kaj egalrajteco en la internacia agado.

Ni invitas junajn aktivulojn en la skolta movado kaj aktivulajn esperanstistojn kiuj simpatias kun la skolta movado. La ĉefa kriterio estas klara intereso pri la temo de diverseco kaj egalrajteco en internacia kunlaboro kaj potenciala kontribuo al la programo.

Danke al la subvencio de la Eŭropa Junulara Fonduso ni povas inviti partoprenantojn, pagante la restadkostojn kaj kontribuante al la vojaĝkostoj. La aliĝkotizo estas nur 70 eŭroj (por eŭropanoj) aŭ 100 eŭroj (por ne-eŭropanoj) por la 5-taga programo. Pro la limigita nombro de lokoj ni devos selekti partoprenantojn uzante kriteriojn sur la aliĝilo, kiuj certigas la balancon de nacieco kaj sekso, kaj la potencialan kontribuon al la programo. La limdato por aliĝi estas la 15-a de marto 2011.

Pliaj informoj inkluzive de la programo kaj la kriterioj haveblas ĉe: http://www.esperanto.org/skolta/?lingvo=epo&js=1/

La aliĝilon vi povos trovi ĉe http://www.esperanto.org/skolta/seminar-aligxilo.php?lingvo=epo&js=1/

Meksikanoj, kiuj interesiĝas pri la partopreno bv. skribi ankaŭ al skolto(a)esperanto-mexico.org Bv. ne forgesi anstataŭi (a) kontraŭ @

*Informoj donitaj de Łukasz Żebrowski, estrarano de TEJO.