Saluton, karaj homoj!

Septembro alvenas kun bonaj novaĵoj! Tri samideanoj vizitos Meksikurbon dimanĉe, la 15an de septembro: Temas pri brazilano, kiu amas Meksikon kaj du malnovaj amikoj el Guadalajara.

Ni babilu, rerenkontu nin kaj pasigu agrablan tempon kun ili dum tagmanĝo je la 14a horo en la restoracio de la Hotelo María Regina.

La hotelo troviĝas en Río Lerma 31, col. Renacimiento, Cuauhtémoc, Meksikurbo (la ligilo estas Hotelo María Regina ) .

Kiel ekzemplo de kosto, en la restoracio kvar-tempa menuo kostas $280 (meksikaj pesoj), sen trinkaĵoj, tamen estas aliaj malmultekostaj pladoj kaj ankaŭ eblas simple trinki kafon aŭ manĝi deserton. La loko estas trankvila, alloga kaj centra.

Bonvolu konfirmi vian partoprenon, sendante mesaĝon al 5537842401 aŭ al la grupo en Whatsapp “Renkontiĝoj Meksikurbo”. 

Ĉu vi pretas krii kun ni “Vivu Meksiko”? Do ek al festado de la Meksika sendependeco kune kun amikoj!

Akompanu nin!

* Organizas: MEF. Respondecas: Víctor Sombra.

Ni ĝojas inviti vin festi kun ni la jam tradician "Paralelan Universon 2024" en la bela japanstila parko Masayoshi Ohira. Ni preparis kelkajn interesajn aktivecojn por vi, do ne perdu ĉi tiun okazon!

Dato: Sabate, la 17an de aŭgusto 2024.

Horo: Je la 11ah 30.

Loko: Parko Masayoshi Ohira, kiu troviĝas en Corredores ĉe angulo kun Country Club, Churubusco, Coyoacán, Meksikurbo. La metrostacio plej proksima estas “General Anaya”.

Jen la provisora programo:

11:30-12:30 Pikniko kaj kuketo pro rememori la pasintan tagon de esperanto.

12:30-14:00 Turnireto de tabloludoj (ŝako, “unu” kaj aliaj, kiujn la ĉeestontoj kunportu)

14:00-15:00 Ralio.

15:30-15:40 Grupa foto.

15:40-16:00 Irado al proksima restoracio (laŭvola).

16:00 - … Manĝado en restoracio(laŭvola).

Bonvolu kunporti:

- Vian lunĉon por tagmanĝeti kune komence de la evento.

- Maton aŭ kovrilon por sidiĝi sur la herbon (laŭvola).

- Sunkremon, ĉapelon kaj akvon por protekti vin kontraŭ la suno / varmo (rekomendinda).

- Tabloludojn.

- Monon por pagi vian konsumon en restoracio, en la kazo ke vi kuniros.

Ni antaŭĝojas renkonti vin kaj kunfesti tiun ĉi specialan tagon kune! Bonvolu konfirmi vian partoprenon, sendante mesaĝon al 55 3784 2401 aŭ al la grupo en Whatsapp “Renkontiĝoj Meksikurbo” , ĉefe por atendi vin kaj informi al vi se estas ŝanĝoj en nia renkontiĝo.

Ĉiuj estas bonvenaj, do kunportu viajn amikojn kaj familianojn por ĝui la tagon!

Ĝis tiam!!!

* Organizas: MEF. Respondecas: Víctor Sombra.

Ĉu vi jam vizitis la spektoradegon de la nova parko Aztlán? Ni iru! Sed unue…

Ni renkontu nin dimanĉe, la 7an de julio, je la 10a horo matene en la Muzeo pri Natura Historio kaj Media Kulturo (“Museo de Historia Natural y Cultura Ambiental”), ĝi situas en Av. de los Compositores, Bosque de Chapultepec II Secc, Miguel Hidalgo, Meksikurbo, tie ni spektos la grandecon de la naturo. Ni faros rapidan viziton de la muzeo, por eble tuj poste iri al “Museo del Cárcamo de Dolores”, atingebla marŝante. Pagante nur $36 (meksikajn pesojn) por la unua muzeo, oni povas eniri al ĉi tiu lasta sen krompagi pli. Ni povas tamen surloke decidi ĉu ni nur vizitos la unuan, tio dependos de nia tempo kaj volo, kiel ĉiam flekseblaj ni ja estos!

Poste, ni alvenos piedirante al la amuzparko “Aztlán Parque Urbano”, proksimume je la 12a ptm, se vi vekiĝos malfrue, vi povas atingi nin ĉi tie je ĉi tiu horo. Tie ni vizitos la novan spektoradegon ekde kie ni povos vidi grandan parton de la urbo, kiu kostas $120 (meksikajn pesojn). Poste ni povos viziti aliajn atrakciojn laŭ via volo, aŭ simple manĝeti ion aŭ promeni tra la parko. Ne perdu la ŝancon koni novan lokon de nia urbo kaj praktiki Esperanton!

Bonvolu konfirmi vian ĉeeston en la grupo de Whatsapp “Renkontiĝoj Meksikurbo” ( https://chat.whatsapp.com/BCP3oTplrTG5ALdlinz0MI ) aŭ sendu mesaĝon al la poŝtelefono 5537842401. Ĉiuj estas bonvenaj!

* Organizas: Meksika Esperanto Federacio. Respondecas: Víctor Sombra. Bildo: Abigail Flores.

Ĉifoje la monda situacio ne permesas al ni festi la tradician Zamenhofan Tagon kiel kutime, tamen ni profitu la okazon renkontiĝi alimaniere kaj ĝui Esperantujon kun partopreno ne nur de homoj, kiuj loĝas centre de la lando sed de meksikanoj, kiuj troviĝas en ĉiu meksika anguleto kaj eĉ de Esperantoparolantoj de aliaj mondopartoj.

Venu do kaj pasigu agrablan tempon kun ni en la venonta dimanĉo, la 13an de decembro inter la 11a kaj 13ah laŭ meksikcentra horo (UTC -6). Ni renkontiĝos ĉe zoom:

Adreso: https://us02web.zoom.us/j/81335257849?pwd=VkwrVG85dXBYYVkxanNoT3ZGZk8vZ…

uzantnomo: 813 3525 7849

pasvorto: Ztago20

Ĉu vi estas komencanto? Ne zorgu! Vi estos tre bonvena, konektiĝu kun ni. Ni havos muzikon, magion, ludon, interesajn raportojn, ktp., do trovu konfortan lokon, preparu vian preferatajn manĝaĵetojn, trinkaĵon kaj ni kune tostu.

¡Ni atendos vin!

La jaro baldaŭ finiĝos kaj eĉ la pandemia situacio ne povis haltigi nin, ni uzis nian tempon alimaniere kaj, kompreneble, ni vigle Esperantumis, do dum tiu ĉi, nia antaŭlasta kunveno de 2020, ni volas babili pri tio. Kiujn malsamajn aferojn vi faris rilate al aliaj jaroj? Ĉu vi lernis ion novan? Ĉu vi esperantumis pli? Kiujn ŝatatajn / gravajn aktivecojn vi ne povis fari?  

Do, rakontu tion al ni, la renkontiĝejo estos en zoom je la 11ah, meksikcentra tempo (UTC -6) en dimanĉo la 8an de novembro:

Adreso: https://us02web.zoom.us/j/89303329367?pwd=eE93dDNQd2ZBUDI2QTk0VTBrODJGdz09

uzantnomo: 893 0332 9367

pasvorto: MXnovembra

Ĉiuj rajtas partopreni, komencantoj ĉiam estas bonvenaj kaj kompreneble ankaŭ niaj karaj kolegoj el aliaj mondopartoj.

Do ĝis baaaaaldaŭ!

Organizas: Meksika Esperanto Federacio. Respondecas: Joaquín Rosillo.

Jes, ja ni havas rendevuon en la venonta dimanĉo, ni ne forgesis tion kaj ni certas ke vi ankaŭ ne kaj ke vi pretas partopreni.

Ĉifoje, krom babili pri diversaj aferoj, ni volas fari ion pli amuza. Ĉu vi ŝatas memeojn, karikaturojaĵojn kaj bilstriojn? Kreu kaj/aŭ serĉu bona(j)n kaj prezentu tiu(j)n, ni prikomentu, analizu kaj kune ridu kaj lernu!

La renkontiĝejo estos en la platformo zoom je la 11ah, meksika tempo (UTC -5) en dimanĉo la 11an de oktobro:

Adreso: https://us02web.zoom.us/j/86875459437?pwd=eE9aSEgyK1E1SDZIZjRWZEhtRmc1UT09

uzantnomo: 868 7545 9437

pasvorto: 627536

Ĉiuj rajtas partopreni, komencantoj ĉiam estas bonvenaj kaj kompreneble ankaŭ niaj karaj kolegoj el aliaj mondopartoj.

Do ĝis baaaaaldaŭ!

* Organizas: Meksika Esperanto Federacio. Respondecas: Joaquín Rosillo.

En la lastaj semajnoj integriĝis al la esperanta mondo pluraj homoj kaj ni volas bonvenigi ilin, tial nia kutima renkontiĝo estos dediĉita al ili. Dum la kunveno, ili povas starigi diversajn demandojn pri la meksika kaj internacia movadoj kaj konatiĝi kun meksikaj aktivuloj.

Do komencantoj, novuloj en Esperantujo vi estas kore invitataj, fakte ne zorgu se vi ankoraŭ ne flue parolas esperante, ni estos paciencaj, eĉ se vi volas interveni hispane, vi rajtos, la ĉefa celo estas konatiĝi kaj kune pasigi agrablan tempon.

Kiam? Dimanĉe la 13an de septembro inter la 14a30 kaj la 17a meksikcentra horo (UTC -5)

Kie? En Zoom: https://us02web.zoom.us/j/87354034384?pwd=VXdMTEZPWXEzMXYxeVRyOGl3bE5XQ…

uzantnomo: 873 5403 4384

pasvorto: bonvenon

Kiuj? Ĉiuj rajtas partopreni, kompreneble niaj karaj kolegoj el aliaj mondopartoj estas bonvenaj ankaŭ.

Venu, ni atendas vin!

Antaŭe jam ni spertis la malkongresan etoson en Meksiko, dum la somero de 2015, kiam ĝi estis simpla sed ege amuza kampado en la ŝtato San Luis Potosí, sed ĉijare la afero ŝanĝiĝis multe.

La Virtuala Malkongreso 2020 okazos pere de facebook ( www.facebook.com/malkongreso/live )  en la 26a kaj 27a de septembro, dum la posttagmezo ĝis la nokto de Meksiko (UTC-5). Se vi maltrafas iun prelegon, ne zorgu! Ĉio restos registrita sur la paĝo.

Dum la evento okazos tri malsimilaj eventoj: prelegoj, diskutrondoj kaj koncertoj. Ankoraŭ oni ne volas diskonigi la nomojn de la artistoj, sed sciu ke ĉio rilatos al *subgrunda kulturo*.

La Malkongreso estos loko, kie homoj kun, ni diru, raraj interesoj povos paroli pri siaj ŝatokupoj, konoj, teorioj. Oni petas partoprenon de homoj, kiuj ŝatus paroli pri, ekzemple, *eksterteranoj, fantomoj, drogoj, muziko, magio, konspiraj teorioj, sekretaj societoj*, inter aliaj similaj temoj.

Du meksikanoj jam sendis proponojn kaj estis akceptitaj:

Carlos Velazquillo parolos pri Subrealisma Kino kaj ties ĉefaj filmistoj.

Fernando Loarca parolos pri metalmuziko, la historio el ''death'' al ''black'' metalo.

Se vi interesiĝas pri ne kutima, ĝenerale stranga, foje ignorata temo, kaj vi volas konigi ĉiujn pri ĝi, ne hezitu sendi mesaĝon al malkongreso@gmail.com aŭ malkongreso2020@gmail.com , sed bonvole atentu ke la limdato por tion fari estas en la 24a de septembro.

La partopreno dum Malkongreso ne havos koston, tamen, por helpi la organizantojn, estos vendejo sur la paĝo de facebook, kie ili vendos ĉemizojn, glasojn, algluaĵojn, kaj aliajn mojosaĵojn.

Atentu! Novaĵojn pri la evento vi povos trovi ĉe: https://www.facebook.com/Malkongreso/

Do partoprenu en ĝi, ĉu kiel preleganto, ĉu kiel spektanto, certe vi ne pentos kaj lernos multe!

Ĉu vi ne povis partopreni en nia pasinta retbabilado? Ne zorgu! Ni havos la duan rondon kunlabore kun francaj kolegoj.

La temo estos la sama: “La mondo post COVID-19”, tamen nun aldoniĝos kantoj kaj deklamo.

Kiam? Dimanĉe, la 12an de julio, je la 11a30 laŭ meksikcentra horo, tio estas je la 16a30 laŭ la universala tempo (UTC), je la 18a30h. en la centro de Eŭropo.

Kie? En Zoom: https://us04web.zoom.us/j/75849526980?pwd=ajIwNzZROFRRVUpNTXBudzdZb2RZd…

Uzantnomo: 758 4952 6980

Pasvorto: 8QQNxM

Kiuj? Ĉiuj rajtas partopreni, eĉ se vi volas nur aŭskulti, vi estos tre bonvenaj.

Ĝis do tre baldaŭ!