Renkontiĝoj - Internaciaj

En venonta novembro, inter la 2a kaj 5a, okazos la 10a Tutamerika Kongreso de Esperanto (TAKE) en la bela urbo Fortalezo, Brazilo. La kongresa temo estas: “Homaj rajtoj, solidareco kaj memdetermino de popoloj”. 

Profitu la eblon sperti Esperantistan, internacian etoson, ankoraŭ estas tempo por plani kaj aliĝi. Bv. iri al la sekva ligo, kie vi trovos detalajn informojn: https://esperanto.org.br/kongreso/

Kaj se vi loĝas en la kontinento kaj bezonas iom da financa subteno, partoprenu en la konkurso: “Partoprenu TAKE-n 2023”, plenigu kaj sendu la formularon plej malfrue en la 1a de septembro. Alklaku en la sekva ligo por trovi ĝin: https://mallonge.net/take2023  

Do bonvenon al amerika movado, bonvenon al TAKE! 

Kiel pasintjare ni festos kun vi ĉiuj la tradician Zamenhofan Tagon utiligante virtualajn rimedojn.

Venu al nia renkontiĝejo venontan dimanĉon, la 19an de decembro inter la 10a kaj 12a:30h, laŭ meksikcentra horo (UTC -6) kaj ni pasigu kune tre agrablan tempon.

Kiuj? Ĉiuj estas invitataj, ne gravas ĉu vi estas ano de MEF, meksikano, mondcivitano, esperanta instruisto spertulo, komencanto, eĉ la eternajn komencantojn ni bonvenigos :)

Kie? Ni renkontiĝos ĉe zoom: https://us02web.zoom.us/j/87811224682?pwd=aHFIM1A3akRBdkk5eHAzazRucWtBdz09

uzantnomo: 878 1122 4682

pasvorto: ZTMeksiko

Kio okazos? Ni havos diversajn interesajn raportojn, informojn, muzikon, ludojn.

Do trovu komfortan lokon ĉe vi, preparu vian preferatajn manĝaĵetojn, trinkaĵon kaj ni kune tostu.

Antaŭe jam ni spertis la malkongresan etoson en Meksiko, dum la somero de 2015, kiam ĝi estis simpla sed ege amuza kampado en la ŝtato San Luis Potosí, sed ĉijare la afero ŝanĝiĝis multe.

La Virtuala Malkongreso 2020 okazos pere de facebook ( www.facebook.com/malkongreso/live )  en la 26a kaj 27a de septembro, dum la posttagmezo ĝis la nokto de Meksiko (UTC-5). Se vi maltrafas iun prelegon, ne zorgu! Ĉio restos registrita sur la paĝo.

Dum la evento okazos tri malsimilaj eventoj: prelegoj, diskutrondoj kaj koncertoj. Ankoraŭ oni ne volas diskonigi la nomojn de la artistoj, sed sciu ke ĉio rilatos al *subgrunda kulturo*.

La Malkongreso estos loko, kie homoj kun, ni diru, raraj interesoj povos paroli pri siaj ŝatokupoj, konoj, teorioj. Oni petas partoprenon de homoj, kiuj ŝatus paroli pri, ekzemple, *eksterteranoj, fantomoj, drogoj, muziko, magio, konspiraj teorioj, sekretaj societoj*, inter aliaj similaj temoj.

Du meksikanoj jam sendis proponojn kaj estis akceptitaj:

La Internacia Junulara Kongreso, kies ĉefa temo estas “Tutmonda solidareco”, okazos ĉifoje rete kaj ĝi komenciĝos tre baldaŭ, la 11an de julio, tio estas nur POST DU SEMAJNOJ.

Ĉu vi jam aliĝis? La baza kotizo estas 20 eŭroj, ekzistas tamen subtena kotizo (50 eŭroj) por tiuj, kiuj volas kaj povas pli pagi.

Kiel kutime, vi povas pagi vian partoprenon pere de ni. Se vi volas ke ni peru vian pagon, volante ni faros. Skribu al estraro@esperanto-mexico.org por informi al ni pri tio.

Kaj memoru ke ĝi estas ankaŭ por pli aĝaj homoj, do ĉiuj rajtas partopreni!

Iru al la retpaĝo de IJK2020 por havi pliajn detalajn informojn kaj plenigi aliĝilon: https://ijk2020.tejo.org/

Pasintan semajnon ni okazigis amuzan, retan renkontiĝon, ni kantis kune, ridis kaj pro tio ni volas ripeti la aferon en tute frateca, internacia, Esperanta etoso.

Dato kaj horo: Dimanĉe, la 24an de majo, je la 11a laŭ meksikcentra kaj kolombia horo, tio estas je la 16a laŭ la universala tempo (UTC), je la 18ah. en la centro de Eŭropo. La kunveno daŭros du horojn, do kiam ajn en tiu tempo vi povas veni por kunkanti.

- Sekvu la jenan ligon, kiu venigos vin al renkontiĝo en Zoom: https://zoom.us/j/93290350417

- Meeting ID: 932 9035 0417

Meksiko kaj Kolombio invitas!!!

Ni ĝoje anoncas ke nia baldaŭa kunveno iĝos pli granda, interesa kaj internacia. Ĉifoje  pro iniciato de E-aktivuloj de Meksiko Kolombio ni kune okazigos retan renkontiĝon, al kiu ni kore invitas vin, loĝanto de ajna parto de la mondo.

Ni renkontiĝos venontan dimanĉon, la 10an de majo je la 11a laŭ meksikcentra kaj kolombia horo, tio estas je la 16a laŭ la universala tempo (UTC), je la 18ah. en la centro de Eŭropo. La kunveno daŭros du horojn, la unuan gvidos la kolombianoj kaj la duan la meksikanoj, la temoj estos:

1) Restu hejme… Esperantistoj kaj kronviruso.

2) Vivu la patrino! Jes, la 10a de majo estas speciala tago en Meksiko.

Paŝoj kaj rekomendoj por ĉeesti:

Ĉu vi serĉas mojosan kaj sekuran etoson por festi, agi kaj kunvivi kun junuloj el aliaj kulturoj ĉi-somere? Do la Internacia Junulara Kongreso interesos vin! IJK estas unusemajna evento, kiu kunigas junajn homojn – el ĉiuj aĝoj – el la tuta planedo por ĝui kuneston kaj interkomunikiĝon dum oni dancas, sportas, lernas, diskutas aŭ ludas uzante la lingvon Esperanton.

Ĉi-foje la 75an IJKn gastigos la centreŭropa urbo Liptovský Hrádok en Slovakio, de la 28a de julio ĝis la 4a de aŭgusto 2019. Al la kongreso jam aliĝis pli ol 130 homoj el preskaŭ ĉiu kontinento, fakto kio kune kun la ĉefa temo “Kontraŭ antaŭjuĝoj” promesas taŭgan spacon por sperti kulturan interŝanĝon neforgeseblan. Nur mankas vi!